Il forum d'economia Engiadina Bassa & Val Müstair fuorma üna cumischiun da la Pro Engiadina Bassa. El perseguitescha il böt da promouver l'economia illa regiun. La prüma sfida dal forum d'economia d'eira il proget Regio Plus "La regiun dal Parc Naziunal". Quist proget es gnü sustgnü finanzialmaing da la confederaziun e dal chantun. Realisà es el gnü i'ls ons 2002 - 2006. Uossa vaglia da continuar culs progets parzials. Parallel cun quel proget ha la confederaziun sustgnü il proget "Cooperaziun transnaziunala". Quist proget prevezza da cooperar cun regiuns vaschinas sur cunfin.

Ün'ulteriura sfida es da lantschar progets chi correspuondan a la nouva politica regiunala chi han il böt da s-chaffir plazzas da lavur illa regiun.

Implü s'occupa il forum cun progets d'interreg, üna collavuraziun cun pajais sur cunfin.