La cuntrada da l'Engiadina Bassa es, congualà cun otras regiuns, implida cun fich blera natüra e surfatschas ecologicas. I'l interess da l'agricultura e dal turissem es'important da pudair mantgnair a lunga vista quista bellezza regiunala. Per na impedir ün svilup economic, esa da promover invezza d'üna visiun statica da la cuntrada, d'avair il böt per üna visiun persistenta d'üna furomaziun reglada o planisada da nossa cuntrada. Uschè vaina impedi cha nossa natüra vegna ütilisada tuot seguond bsögn.

La fundaziun dal Parc naziunal svizzer es successa in plüs pass:

• Il prüm territori eira la Val Cluozza seguond ün contrat da l'on 1909.
• L'on 1914 es gnü fuondà il PNS cun ün spazi da 142 km².
• Dal 1918 - 1932 e'l gnü ingrondi successivmaing sün 149 km².
• L'on 1936 es i a perder la Val Tavrü chi d'eira fin là in ün stadi da protecziun.
• L'on 2000 es gnü cumplettà il territori culla planüra dals lais da Macun. Quist'exclava es gnüda decisa dal cumün da Lavin.
• La realisaziun d'ingrondimaint cun üna zona circundanta s'haja miss l'on 2000 ad acta, davo cha'l cumün da Zernez ha vuschà cunter quell'intenziun.
• L'avegnir dal PNS vain inrichi cull'iniziativa dals cumüns da la Val Müstair da cumplettar il territori sco zona da reservat da biosfera. Il böt es da dvantar insembel culla "Clastra da Müstair" chi'd es fingià suot protecziun da l'UNESCO, üna part d'üna protecziun mondiala da cultura da l'UNESCO. Uschè fuorma il territori dal PNS üna colliaziun tanter la Svizra e'l Parc naziunal dal Stelvio e dvantess uschè ün elemaint central d'ün territori da protecziun internaziunal.
• Als 31 mai 2008 es gnü inaugurà il nouv Center dal Parc Naziunal Svizzer a Zernez.
• 2010 ha l'UNESCO recugnuoschü il Parc Naziunal sco üna part da la Biosfera. 
   

Contact

Center d'infuormaziun Parc Naziunal Svizzer
Chasa dal Parc
7550 Zernez

Telefon +41 (0)81 856 13 78

Internet  www.nationalpark.ch