La musica fuorma üna part da nossa fuormaziun e cultura. L'instrucziun da musica collia l'imprender corporal, emoziunal, intellectual ed artistic. Ella es üna part d'üna scolaziun cumplessiva generala.

Las lecziuns han lö ils lavurdis. Ils roms musicals chi vegnan instruits as drizzan davo ils bsögns dals scolars, davo la disponibiltà dals magisters e da las magistras chi stan a disposiziun, davo las localitats chi stan avantman e davo las pussibiltats finanzialas. L'instrucziun succeda in gruppas o singula.  

Instrucziun singula:

L'instrucziun singula as concentrescha in ün process d'imprender individual. Ils cuntgnüts d'imprender vegnan communichats uschè persunalmaing, sco in ingün oter möd d'instrucziun.

Instrucziun in gruppa:

Imprender in gruppas plü pitschnas voul dir chi s'imprenda in cumünanza ed ün da l'oter. I vegn fat musica cumünaivla per experimentar uschè il congual direct cul partenari.

Termin d'annunzchas e sortidas es als 30 gün

Taxa d'inscripziun

Annunzchas chi vegnan annulladas avant il cumanzamaint da l'on da scoula han da pajar üna taxa d'inscripziun da fr. 50.-.

Scha l'annunzcha vain retratta davo ils 15 d'avuost sto gnir pajada la taxa almain amo per ün semester. In cas specials decida la cumischiun.

Rabat da famiglia

Scha daplü sco ün uffant d'üna famiglia frequainta a listess temp la scoula da musica po tala relaschar ün rabat da famiglia (5% per duos uffants, 10% per 3 uffants e daplü).

Rebass per instrumaints

Sch'ün scolar frequainta l'instrucziun plaina cun duos instrumaints, survain quel 5% rebass.

Ulteriuras cundiziuns, vair reglamaints (quia)